ЭМЯ-ны хэвлэлийн хурлын үеэр ХӨСҮТ-ийн ерөнхий захирал Д.Нямхүү "Өчигдөр 47 хүнд шинжилгээ хийхэд коронавирус илрээгүй. Өнөөдөр нэг оюутан эдгэрч, эмнэлгээс гарч байна" хэмээн мэдээллээ.

Ийнхүү нийт батлагдсан тохиолдлын тоо 179, эдгэрсэн хүний тоо 44 боллоо. 

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл "Дэлхий даяар сүүлийн 24 цагийн байдлаар коронавирусийн халдварын 125 мянган шинэ тохиолдол нэмэгдэж, нийт халдвар авагсдын тоо 6 сая давлаа. 

Сүүлийн 24 цагийн хугацаанд 119 тоот утсанд 287 дуудлага ирж, урьдчилан сэргийлэх зөвлөгөө авсан байна" гэв.