ЭМЯ-ны хэвлэлийн хурлын үеэр ХӨСҮТ-ийн Тандалт судалгааны албаны дарга А.Амбасэлмаа "Өчигдөр 374 хүнээс коронавирус илрээгүй. Өнөөдөр ХӨСҮТ-д 141 хүн эмчлүүлж байна" хэмээн мэдээллээ. 

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл "Дэлхийн 6,4 сая хүн халдвар авч, 3 сая хүн эдгэрчээ. ХӨСҮТ-д 141 хүн эмчлүүлж байна. 119 тоот утсанд 124 дуудлага ирсэн бөгөөд иргэд коронавирусээс урьдчилан сэргийлэх талаар зөвлөгөө авчээ" гэв.  

АНУ-д нэг өдөрт коронавирусийн 14 мянган тохиолдол бүртгэгдлээ

ЭМЯ-ны Гадаад харилцааны хэлтсийн дарга Б.Янжмаа "АНУ 14 мянган гаруй шинэ тохиолдол 761 нас баралт бүртгэгдлээ. Бразил улсад 28 мянган шинэ тохиолдол нэмэгдэж, нийт халдварын тоо 558 мянгад хүрлээ. 

ОХУ-д 8800 гаруй тохиолдол, 182 нас баралт бүртгэгдсэн аж. Энэтхэг улсад 8100 гаруй шинэ тохиолдол бүртгэгдэж, 221 хүн энджээ. Япон улсад өчигдөр 37 шинэ тохиолдол бүртгэгдсэний 36 нь дотоодын халдвар. БНСУ-ын сүмээс гарсан халдвар 45 боллоо" гэв.