ЭМЯ-ны хэвлэлийн хурлын үеэр ХӨСҮТ-ийн ерөнхий захирал Д.Нямхүү "Өчигдөр нийт 715 хүнд шинжилгээ хийхэд 710 хүнд нь коронавирус илрээгүй. 

Харин ОХУ-аас ирсэн 4 оюутан, нэг нь ачаа, тээврийн жолоочоос коронавирус илэрлээ. Мөн таван хүн эдгэрсэн гэх сайн мэдээтэй" хэмээн мэдээллээ.  

Ийнхүү нийт халдвар авсан тохиолдлын тоо 191, эдгэрсэн хүн 70 боллоо

ЭМЯ-ны Шуурхай удирдлагын газрын дарга Д.Нарангэрэл "Дэлхийн 216 орны 6,6 сая хүн коронавирусийн халдвар авч, 3,2 сая хүн эдгэрчээ. Манай орны хувьд өнөөдрийн байдлаар 1530 хүн ажиглалтад байна" гэв.  

ЭМЯ-ны Гадаад харилцааны хэлтсийн дарга Б.Янжмаа "АНУ-д 14 мянган шинэ тохиолдол 800 гаруй нас баралт бүртгэгджээ. Бразил улсад 38 мянган шинэ тохиолдол бүртгэгдэж, нийт тохиолдлын тоо 615 мянга давлаа" гэв.