ЭМЯ-ны хэвлэлийн хурлын үеэр ХӨСҮТ-ийн ерөнхий захирал Д.Нямхүү "Өчигдөр хийсэн 217  хүний шинжилгээнээс коронавирус илрээгүй. Мөн дөрвөн хүн эдгэрч, дараагийн шатны тусгаарлалтад шилжлээ" хэмээн мэдээллээ.

Шинжилгээний хариуг дотор нь задалж хэлбэл:

• Ажиглах байранд байсан 185 хүний давтан шинжилгээнд коронавирус илрээгүй. Үүнд тавдугаар сарын 19-нд Энэтхэгээс ирсэн хүмүүс голчлон хамрагдсан.
• Мөн ХӨСҮТ-д тусгаарлагдсан дөрвөн хүний давтан шинжилгээ,
• Тандалтын зорилгоор гурван хүнд шинжилгээ хийхэд коронавирус илрээгүй.
• Алтанбулаг боомтоор орж ирсэн ачаа тээврийн 25 жолоочид шинжилгээ хийхэд коронавирус илрээгүй.

Ийнхүү нийт батлагдсан тохиолдлын тоо 193, эдгэрсэн хүний тоо 75 боллоо

ЭМЯ-ны Шуурхай удирдлагын газрын дарга Д.Нарангэрэл "Сүүлийн 24 цагт 108 мянган хүн коронавирусийн халдвар авсан байна.  

ОХУ-д өчигдөр 8855 хүн шинээр халдвар авснаас Буриад, Эрхүү, Чита, Тувад өвчлөл эрчтэй тархаж байна.

Туватай хил залгаа Увс аймгийн Давст сумынхан, ОХУ-тай хил залгаа Дорнод, Хөвсгөл, Увс аймгийн малчид анхаарал сэрэмжтэй байхыг анхааруулж байна. Улсын хэмжээнд 59 хүн ажиглалтаас гарч, 1244 хүн ажиглалтад байна" гэв.