УОК-ын шуурхай штаб цаг үеийн асуудлаар мэдээлэл хийж Зүүн өмнөд Азид байгаа иргэдээ татан авах транзит нислэгийг Сөүл-УБ чиглэлд 06.20-ны өдөр хийхээр болсныг мэдэгдлээ. 

Монгол улс гадаадын 34 улсаас иргэнээ татан авч байгаа бөгөөд  энэ сард хийх 9 дэх удаагийн нислэгээр 2300 гаруй иргэнийг эх орондоо авчрах юм.

Энэ үеэр ГХЯ-ны Консулын газрын дарга Л.Мөнхтүшиг: Цар тахал дэгдсэнээс хойш хилийн чанад дахь санхүүгийн хүндрэлтэй нөхцөлд орж байгаа иргэдийн судалгааг тогтмол хийж ирсэн. Тодруулбал, Турк улсад байгаа 5000 гаруй иргэнд судалгаа хийж эмзэг бүлгийг 168 өрхийн 580 гаруй иргэнд хүнсний дэмжлэг, туслалцаа үзүүлэх эрхийн бичиг гардуулсан” гэлээ.

Одоогийн байдлаар тусгаарлах байранд 2088 хүн байгаа аж.