Орон нутагт ая тухтай, хотын жишгээр амьдрах нөхцөл бүрдсээр буй нэгэн тод жишээ бол Өмнөговь аймагт баригдсан чанарын шаардлагад нийцсэн олон улсын жишиг бүхий усан спортын төв юм. 

Тус бүтээн байгуулалтыг Өмнөговь аймгийн Засаг дарга Н.Наранбаатарын санаачлагаар, Оюу толгой ХХК-ийн хамтын ажиллагааны “Говийн оюу” хөгжлийг дэмжих сангийн хөрөнгө оруулалтаар байгуулжээ.

Иж бүрэн үйлчилгээ бүхий усан спортын төв нээгдсэнээр говийн хүүхэд, залуус усан спортоор хичээллэж, бие бялдар, оюун санааны хувьд  хөгжих, чөлөөт цагаа зөв боловсон, үр бүтээлтэй өнгөрүүлэх бүрэн боломж бүрдсэн хот хөдөөгийн ялгаа арилж буй бүтээн байгуулалт болжээ.