Ерөнхий сайд У.Хүрэлсүх 11 цаг 40 минутад Баянзүрх дүүрэг-23 дугаар тойргийн найм дугаар хэсгийн санал авах байранд саналаа өглөө.

Тэрбээр санал өгөх үедээ “Өнөөдөр бол Монгол түмэн төрийн эрх барих дээд байгууллага болох УИХ-ын гишүүдийг сонгон байгуулах баярын өдөр. Ард түмэн үндсэн хуулиар олгогдсон сонгох, сонгогдох эрхээ эдэлж хэрэгжүүлж байна. Иргэд идэвхтэй оролцож байгаад баяртай байна, ялангуяа шинэ мянганы хүүхдүүд буюу анхны сонгуулиа өгч байгаа хүүхдүүд идэвхтэй оролцож байна” хэмээв.  

Түүнчлэн ард иргэддээ сонгуульдаа идэвхтэй оролцохыг уриалсны сацуу нам эвсэл, бие даан нэр дэвшигчдэдээ ч мөн амжилт хүслээ.