УИХ-аас Засгийн газрын бүтэц, бүрэлдэхүүний тухай хуулийг баталснаар 17 сайд, 14 яамтайгаар Засгийн газар байгуулагдахаар болоод буй. У.Хүрэлсүхийн Засгийн газарт сайдаар ажиллах эрхмүүдтэй танилцна уу.

Тодруулбал:

• Удирдах зөвлөлд Эрчим хүчний сайдад Багануур хотын захирагч асан Н.Тавинбэх,
• БСШУ-ын сайдад одоогийн Төрийн нарийн бичгийн дарга Л.Цэдэвсүрэн,
• Сангийн сайдаар Ч.Хүрэлбаатарыг хэвээр,
• Зам тээврийн хөгжлийн сайдаар тус яамны дэд сайд Л.Халтар,
• ХХААХҮ-ийн сайдаар Эрчим хүчний яамны Төрийн нарийн бичгийн даргын З.Мэндсайхан,
• Соёлын сайдаар  Шинжлэх ухааны доктор, ШУА-ийн Түүх, археологийн хүрээлэнгийн захирал С.Чулуун,
• Байгаль орчин, аялал жуулчлалын сайдаар ЭМЯ-ны сайд Д.Сарангэрэл,
• Эрүүл мэндийн сайдаар Улсын Нэгдүгээр Төв эмнэлгийн ерөнхий захирал, анагаах ухааны магистр, докторант, клиникийн профессор  Т.Мөнхсайхан,
• Барилга хот байгуулалтын сайдаар дэд сайд Б.Мөнхбаатар,
• Батлан хамгаалахын сайдаар Батлан хамгаалах яамны Стратегийн бодлого, төлөвлөлтийн газрын дарга, бригадын генерал Г.Сайханбаяр,
• Хууль зүй, дотоод хэргийн сайдаар УИХ-ын гишүүн Х.Нямбаатар,
• Нийгмийн хамгаалал, хөдөлмөрийн яамны сайдаар Монгол Улсын Үндэсний Статистикийн хорооны дарга А.Ариунзаяа нарыг томилохоор тус тус баталлаа.