Та хүүхдийнхээ багадсан болон хуучирсан дүрэмт хувцсыг яахаа мэдэхгүй байна уу? "Сайн дурынхны хөгжлийн төв ТББ" нь "Сурагчийн дүрэмт хувцас" аяныг 2020-2021 оны хичээлийн жилд зориулан зохион байгуулж байна. 

Наймдугаар сарын 17-24 өдрүүдэд тус төвтэй холбогдож дүрэмт хувцсаа хандивлах боломжтой бөгөөд зорилтот бүлгийн, хотын захын хорооллын хүүхдүүдэд хороо дүүргийн нийгмийн ажилтнаар дамжуулан түгээх аж. Амьжиргааны төвшин доогуур, бага орлоготой айл өрхүүдэд тараах тул та сайн үйлс хийж уг аянд идэвхтэй оролцохыг уриалж байна. 

Шинэ зууны иргэд бид байгаль дэлхийд ээлтэй, хог хаягдалгүй, минимал байх мөн бусдад өгөх, түгээх хандлага, сэтгэлгээтэй болж буйг уг аянаас харж болно.