Нийслэлд 760 орчим нийтийн байр үйл ажиллагаа явуулж байна.

Нийслэлийн Засаг даргын өгсөн үүргийн дагуу НХШГ-аас нийтийн байруудад хяналт, шалгалт хийж байна. Шалгалтыг энэ сарын 8-ны өдрөөс эхлэн зургаан дүүргийн 13 хороонд байрлах 62 байршилд үзлэг шалгалт хийгээд байна. Нийслэл хотод 760 орчим нийтийн байр үйл ажиллагаа явуулдаг гэнэ. 

Шалгалтаар дараах зөрчлүүд нийтлэг илэрчээ. 

•    Барилга байгууламжийн зураг төсөлгүй
•    Зэргэлдээ барилга, байгууламжийн аюулгүй байдлыг хангаагүй
•    Барилгын дотор орон зайн төлөвлөлт стандартын шаардлага хангахгүй
•    Агаар сэлгэлт салхивчийн системгүй
•    Цахилгааны аюулгүй байдал хангагдаагүй, ил гарсан цахилгааны кабельтай
•    Гадна хашаа хамгаалалтын стандартын шаардлага хангаагүй
•    Галын аюулгүй байдлын тоног төхөөрөмж, бэлэн байдлыг хангаагүй зэрэг зөрчлүүд илэрч байна.