Алтан цомын төлөөх багуудын гуравдугаар тойргийн сүүлийн барилдаанууд өнгөрөгч амралтын өдөр болж өнгөрлөө. Эхний гурван тойргийн байдлаар улсын арслан Э.Батмагнай тэргүүтэй М-Си-Эс Энержи баг гурван ялалт буюу 46 даваатайгаар хүснэгтийг тэргүүлж байна. Тэдний араас улсын арслан Б.Орхонбаяр тэргүүтэй Скайтел баг хоёр хожил нэг хожигдолтой удаалж байна.
Гуравдугаар тойргийн төгсгөлд хэсгийг тэргүүлж байсан М-Си-Эс Энержи, Скайтел багууд учраа таарч 14-11 харьцаагаар М-Си-Эс Энержи баг ялалт байгуулсан. Мөн Дархан аварга Н.Батсуурь тэргүүтэй Хамаг Монгол баг улсын арслан Ц.Бямба-Отгон тэргүүтэй Хубилаа хаан багтай барилдаж 14-11 харьцаатайгаар Хамаг Монгол баг эхний ялалтаа байгууллаа.
Ирэх долоо хоногт "Алтан цом"-ын дөрөвдүгээр тойргийн барилдаанууд эхэлнэ.
Дөрөвдүгээр тойргийн оноолтууд
12 дугаар сарын 20-ны өдөр
Хатант Интернэшнл баг - Хүлэгү баг
Эв Монгол баг - АПУ Скайтел багт
12 дугаар сарын 21-ний өдөр
М Си Эс Энержи баг - Хамаг Монгол баг
Од групп баг - Хубилай хаан баг