Хар ус нуурын мөсөнд цөмөрч орсон суудлын автомашиныг татан гаргажээ. Тодруулбал Ховд аймгийн Манхан сумын нутагт аймгийн төвөөс зүүн зүгт 50 км-т, сумын төвөөс зүүн хойд зүгт 55 км-ын зайд Хар-Ус нуурын мөс цөмөрч суудлын автомашин суусан тухай дуудлагыг энэ сарын 7-нд Онцгой байдлын албанд иржээ. 

Дуудлагын дагуу аймгийн Онцгой байдлын газрын Манхан сум дахь Эрэн хайх аврах бүлгийн алба хаагчдыг очиход иргэн Д-ын “Prius-20” загварын суудлын автомашин суусан байсныг татан гаргасан байна. 

Гол, нууруудад мөсөн бүрхүүл тогтож байгаа ч хүн, мал, тээврийн хэрэгсэл даахуйц хэмжээнд хүрээгүй байгаа тул мөсөн дээгүүр зорчихгүй байхыг анхааруулж байна.