Өнөөдөр өглөөний 08:00 цагийн станц харуулуудын мэдээгээр нийт нутгийн 70 гаруй хувьд нь цасан бүрхүүл тогтсон байна. Сэлэнгийн Зэлтэрт 26 см, Бугантад 24 см, Увсын Хяргаст 23 см, Сэлэнгийн Орхонд 22 см зузаан цасан бүрхүүл тогтжээ.

Харин Увсын Мачлин, Сэлэнгийн Баянгол, Булганы Гурванбулаг, Хангал, Рашаант, Дархан-Уулын Шарын-гол, Төв аймгийн Цээлд 20-21 см, Завханы Тэс, Сэлэнгийн Орхонтуул, Зүүнбүрэн, Ерөө, Хушаат, Төв аймгийн Жаргалант, Баянчандмань, Өндөрширээт, Заамар, Дархан-Уулын Орхонд 16-19 см зузаан цастай байна. 

Бусад нутгаар 0-15 см хүртэл зузаан цасан бүрхүүлтэй байгаа гэнэ.