Нийслэлийн хэмжээнд томуу, томуу төст өвчний тархалт өнгөрсөн долоо хоног буюу арваннэгдүгээр сарын 17-ноос эрс нэмэгдсэнтэй холбогдуулан өрхийн эрүүл мэндийн төвүүдийг уртасгасан цагаар ажиллуулахаар шийдвэрлэсэн байна. 

Уртасгасан цагийн хуваарь:

• Ажлын өдөр: 08:30-20:00 цаг
• Амралтын өдөр: 11:00–18:00 цаг
• Бүх нийтийн амралтын өдөр: 11:00–17:00 цаг хүртэл ажиллана.

Харьяа эрүүл мэндийн байгууллагуудын хүлээн авах яаралтай тусламжийн тасагт өнгөрсөн шөнийн байдлаар 2,420 хүн үйлчлүүлсэн нь өмнөх өдрөөс 200 тохиолдлоор өссөн үзүүлэлттэй байгаа гэнэ.  ХӨСҮТ вирус судлалын шинжилгээ хийсэн ба шинжилгээгээр орчилд томуугийн А хүрээний вирус илэрчээ.

Засгийн газраас хүүхэд нь томуу, томуу төст өвчнөөр өвдсөн тохиолдолд эцэг, эхэд тав хүртэл хоногийн цалинтай чөлөө олгох шийдвэр гаргасан. Иймд хүүхэд халуурах, ханиад хүрэх зэрэг шинж тэмдэг илэрвэл харьяа ӨЭМТ-д үзүүлж, эмчийн хуудсыг үндэслэн цалинтай чөлөө авах боломжтой юм.