Дэлхийн хүүхдийн өдөр 11 дүгээр сарын 20-нд буюу өнөөдөр тохиож байна. Энэхүү өдрийг тохиолдуулан “Morning Star” хамтлаг хүүхдүүдэд бэлэг барьж, шилдэг дуунуудаас бүрдсэн концертийг үнэ төлбөргүй Зайсан Хилл цогцолборт хийхээр болжээ. 

Энэхүү үйл ажиллагааг НҮБ-ын Хүүхдийн Сан санаачлан хэрэгжүүлж, Соёлын яам, Зайсан Хилл цогцолбор, Монголын Скаутын холбоо хамтран ажиллаж байгаа гэнэ. 

НҮБ-ын Хүүхдийн эрхийн тухай конвенц 11 дүгээр сарын 20-нд батлагдсан өдөр бөгөөд 2017 оноос эхлэн Дэлхийн Хүүхдийн Өдөр болгон тэмдэглэж байхаар НҮБ-ын Хүүхдийн Сангаас уриалсны дагуу дэлхийн 190 гаруй орон нэгджээ. 

Монгол Улсын хувьд  Дэлхийн хүүхдийг өдрийг #GoBlue уриан дор тэмдэглэн өнгөрүүлж, төр, хувийн хэвшил, иргэний нийгэм, хэвлэл мэдээллийн байгууллагууд идэвхтэй нэгдэж, хүүхэд залуучуудын дуу эрхийн төлөө дуу хоолойгоо өргөдөг уламжлал тогтсон билээ.