Гэрээсээ автомашинтай гараад сураггүй болсон иргэнийг эсэн мэнд олжээ. Завхан аймгийн Отгон сумын нутгаас Улиастай сум руу иргэн Э энэ сарын 18-ны өдрийн 17:00 цагийн орчим явахаар гараад сураггүй болсон тухай дуудлага маргааш буюу энэ сарын 19-ний өдрийн 14:25 цагт Онцгой байдлын албанд иржээ. 

Дуудлагын дагуу  аймгийн Онцгой байдлын газрын Отгон сум дахь Эрэн хайх, аврах бүлгийн алба хаагчид, Цагдаагийн тасгийнхан 25 настэй эрэгтэй Э-г эрэн хайх ажиллагааг зохион байгуулж, Шилүүстэй сумын Сайхан багийн “Бухын өвөлжөө” гэдэг газар төөрч, автомашин нь цасанд сууж, дугуй нь хагарсан байдалтай байхад нь эсэн мэнд олсон байна.