Ачааны автомашинууд мөргөлдөж төмөр хийцэд хавчуулагдсан байсан жолоочийг эсэн мэнд аварчээ. Тодруулбал, Өмнөговь аймгийн Цогтцэций сум  нутаг аймгийн төвөөс зүүн зүгт 130 км-т, сумын төвөөс зүүн урд зүгт 30 км-ын зайд ачааны хоёр автомашин мөргөлдөж, автомашины төмөр хийцэд нэг хүн хавчуулагдсан тухай дуудлага Онцгой байдлын албанд иржээ. 

Дуудлагын дагуу аймгийн Онцгой байдлын газрын 44 дүгээр ангийн алба хаагчдыг очиход Цогтцэций сумаас “Цагаанхад” гэдэг газрын чиглэлд зорчиж явсан ачааны автомашинууд мөргөлдөж  23 настай жолооч С бүхээг дотроо хавчуулагдсан байсныг ажиллан эсэн мэнд гаргаж, тус сумын Эрүүл мэндийн төвд хүлээлгэн өгсөн байна.