Замын хажуу руу онхолдсон автомашины зорчигчдийг эсэн мэнд аварчээ. Тодруулбал Дорноговь аймгийн Сайншанд сум нутагт автозамын хажуу руу суудлын автомашин онхолдож автомашины төмөр хийцэд хоёр хүн хавчуулагдсан тухай дуудлага энэ сарын 16-нд иржээ. 

Дуудлагын дагуу аймгийн Онцгой байдлын газрын 33 дугаар ангийн алба хаагчдыг очиход иргэн Б-ийн “Toyota Prius-30” загварын суудлын автомашинд иргэн 63 настай эрэгтэй Б, 33 настай эмэгтэй Ч нар автомашины төмөр хийцэд хавчуулагдсан байсныг 10 минут ажиллан эсэн мэнд гаргаж, аймгийн Нэгдсэн эмнэлгийн Яаралтай тусламжийн тасгийн эмчид хүлээлгэн өгсөн байна.