Сэлэнгэ, Хэнтий аймагт гарсан ойн түймрийг бүрэн унтраалаа. Сэлэнгэ аймгийн Ерөө сумын нутагт тавдугаар сарын 21-ний  өдөр ойн гал түймрийн цэг илэрсэн. Онцгой байдлын ерөнхий газар, Үндэсний аврах бригад, Нийслэлийн Онцгой байдлын газар, Сэлэнгэ, Дархан-Уул, Орхон аймгийн Онцгой байдлын газрын алба хаагчид, орон нутгийнхан ойн гал түймрийг унтраах ажиллагааг зохион байгуулан энэ сарын 1-нд бүрэн унтраажээ. Энэхүү түймрийн урт 10.8 км, өргөн нь 5.2 км ба урьдчилсан байдлаар 56.16 га талбай өртөж шатжээ. 

Хэнтий аймгийн Батширээт сумын нутагт тавдугаар сарын 26-нд гарсан түймрийг аймгийн Онцгой байдлын газар, Үндэсний аврах бригадын алба хаагчид ойн гал түймрийг унтраах ажиллагааг зохион байгуулж энэ сарын 1-нд бүрэн унтраажээ.  Түймэрт  урьдчилсан байдлаар 25.76 га талбай өртжээ.