Автомашинууд мөргөлдөж машиндаа хавчуулагдсан иргэдийг эсэн мэнд аварчээ. Тодруулбал өчигдөр буюу энэ сарын 25-ны өдөр Хан-Уул дүүрэгт автомашин мөргөлдөж төмөр хийцэд хүн хавчуулагдсан тухай дуудлага Онцгой байдлын албанд иржээ.
Нийслэлийн Аврах ангийн алба хаагчдыг очиход иргэн Б-ийн “Toyota Prius Alpha” загварын суудлын автомашин, иргэн Л-ийн “Toyota Corolla Fielder” загварын суудлын автомашинтай мөргөлдөж, жолооч 21 настай, эмэгтэй, мөн иргэн 40 настай эмэгтэй А нар автомашины төмөр хийцэд хавчуулагдсан байсныг ажиллан эсэн мэнд гаргаж эмнэлгийн байгууллагад хүлээлгэн өгчээ.