Баянхонгор аймгийн Богд сумын нутагт газар хөдлөлт болжээ. Газар хөдлөлтийн байршил Богд сумын төвөөс Баруун урд зүгт 27 км, Баянговь сумын төвөөс Хойд зүгт 32 км, Жинст сумын төвөөс Урд зүгт 44 км-т өчигдөр буюу энэ сарын 11-ний өдрийн 20:51:33 цагт 3.8 магнитудын хүчтэй газар хөдлөлт болсон байна. 

Тус сумын Засаг даргаас тодруулахад Богд сумын төвийн “Хориулт” 6 дугаар багийн нутагт газар хөдлөлтийн чичирхийлэл мэдрэгдээгүй бөгөөд учирсан хохиролгүй, мөн Буянт 5 дугаар багийн Засаг дарга болон ойр нутагладаг гурван өрхөөс тодруулахад, газар хөдлөлтийн чичирхийлэл мэдрэгдээгүй бөгөөд учирсан хохиролгүй тухай мэдээлжээ.