Орон нутгийн замд осолдож автомашины дугуйнд дарагдсан иргэнийг эсэн мэнд аварчээ. Тодруулбал өнгөрөгч шөнө Өмнөговь аймгийн Ханхонгор сумын  орон нутгийн замд Ханхонгор сумаас Даланзадгад сумын чиглэлд зорчиж явсан суудлын автомашин осолдож нэг хүн автомашины дугуйнд дарагдсан гэсэн дуудлага Онцгой байдлын албанд иржээ. 

Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчдыг очиход иргэн Б-гийн “Toyota Land Cruiser” загварын суудлын автомашин осолдож иргэн 27 настай эрэгтэй Б дарагдсан байсныг эсэн мэнд гаргаж, аймгийн Бүсийн оношилгоо эмчилгээний төвд хүлээлгэн өгчээ.