Улсын хэмжээнд засаг захиргаа, нутаг дэвсгэрийн ой, хээрийн түймрийн өртөх байдлыг тодорхойлоход 7.8 хувь нь маш өндөр, 25.8 хувь нь өндөр, 15.4 хувь нь дунд түвшинд гарчээ.

Аймаг тус бүрээр ой, хээрийн түймэрт өртөх байдлыг сумдаар авч үзэхэд Дорнод аймгийн 14, Сүхбаатар аймгийн 1, Хэнтий аймгийн 3, Төв аймгийн 17, Сэлэнгэ аймгийн 4, Булган аймгийн 1, Архангай аймгийн 2, Хөвсгөл аймгийн 1, Улаанбаатар хотын хоёр дүүрэг маш өндөр үнэлэгдсэн байна. 

Тиймээс ой, хээрийн түймэр гарах эрсдэл өндөр байгаа тул иргэн бүр сонор сэрэмжтэй байж, урьдчилан сэргийлэх арга хэмжээг хэрэгжүүлэхийг зөвлөж байна.