Шайбтай хоккейн насанд хүрэгчдийн III дивизионы дэлхийн аварга шалгаруулах тэмцээн Мексик улсын Мехико хотноо үргэлжилж байна. Энэхүү тэмцээнд Монгол улсыг төлөөлөн оролцож байгаа баг Сингапурын багийг 11:1 харьцаатайгаар хожиж, тэмцээний хоёр дахь хожлоо авлаа. Манай баг эхний тоглолтоо Филиппин улсын эсрэг хийж 13:7 харьцаатайгаар хожсон. Дараагийн учраа БНАСАУ-ын багтай тоглоно. 

Энэхүү тэмцээнд Монгол, Мексик, БНАСАУ, Филиппин, Сингапур, Хонгконгийн хоккейчид өрсөлдөж байгаа бөгөөд манай улсаас ахлах дасгалжуулагч А.Мэргэн, дасгалжуулагч Н.Отгонбаяр, Н.Мишигсүрэн нарын удирдлага дор 21 тамирчин өрсөлдөж байна.