Улсын Их хурлын гишүүн Ж.Батсуурь, Сүхбаатар аймгийн Засаг дарга М.Идэрбат нар Япон Улсаас Монгол Улсад суугаа онц бөгөөд бүрэн эрхт элчин сайд Кобаяши Хироюкитай албан уулзалт зохион байгууллаа.  Уулзалтын эхэнд Япон улсын “Өвсний үндэс –Хүний аюулгүй байдал” хөтөлбөрийн хүрээнд “Сүхбаатар аймгийн Баруун-Урт сумын 4-р цэцэрлэгийн барилгын засвар” хийх төслийн  690 сая төгрөгний буцалтгүй тусламжийн гэрээнд гарын үсэг зурлаа.  

Тус уулзалтаар Сүхбаатар аймгийн далайд гарах хамгийн дөт зам бүхий газарзүйн байршлийн онцлог, хөгжлийн давуу тал, байгалийн нөөц, эдийн засаг, стратегийн өндөр ач холбогдол бүхий төслийн хүрээнд хамтран ажиллах боломжийн талаар харилцан санал солилцлсон юм.  

Цаашид Япон Улсын бизнес эрхлэгчид, хувийн хэвшилтэй хамтран ажиллах хөрөнгө оруулалтын уулзалт, хурлыг хамтран зохион байгуулахаар харилцан тохиролцов.