Монголын сагсанбөмбөгийн дээд лигийн аваргын цувралын эхний тоглолт болж Бишрэлт Металл баг нэмэлт цагт хожил байгуулсан.  Харин тоглолтын үеэр Металл багийн импорт тоглогч Дэвон Скотт Хасын Хүлэгүүд багын А.Азбаярын толгой хэсэг руу цохиж, спортын бус үйлдэл гаргасан. 

Энэхүү үйлдэлд Монголын сагсан бөмбөгийн холбооноос хоёр багт хариуцлага ногдуулах албан мэдэгдлийг хүргүүлсэн байна. 

Энэхүү мэдэгдэлд Бишрэлт Металл багийн тоглогч Дэвон Скоттыг 2026 оны нэгдүгээр сарын 1-ийг дуустал Холбооноос зохион байгуулах аливаа үйл ажиллагаанд оролцох эрхийг хасаж, мөнгөн торгууль оногдуулжээ. Харин Хасын Хүлэгүүд багийн тоглогч А.Азбаярт нэг тоглолт өнжүүлэх, мөнгөн торгуулийг оногдуулсан байна. 

Харин Бишрэлт Металл багийн Удирдах зөвлөл болон багийн удирдлагууд Дэвон Скоттыг цувралын дараагийн хоёр тоглолтод оролцуулахгүй байхаар шийдвэрийг гаргаад байсан юм. 

Хоёр багийн цувралын хоёр дахь тоглолт энэ сарын 23-нд буюу маргааш болно.