Зам тээврийн ослын улмаас  машины эд ангид хавчуулагдсан иргэнийг эсэн мэнд аварчээ. Тодруулбал Өмнөговь аймгийн Даланзадгад сумын нутагт авто замын зорчих хэсэгт өөрөө буулгагч “КАМА-KMC3046” загварын автомашинтай, Портер” загварын автомашин мөргөлдөж жолооч нь автомашины төмөр эд ангид хавчуулагдсан тухай дуудлагыг өчигдрийн 11:50 цагт Онцгой байдлын албанд иржээ. 

Дуудлагын дагуу аймгийн Онцгой байдлын газрын 21 дүгээр ангийн алба хаагчдыг очиход “Портер” загварын бага оврын ачааны автомашины бүхээгт жолооч 28 настай жолооч  Б хавчуулагдсан байсныг эсэн мэнд гаргаж аймгийн эмнэлгийн байгууллагад шилжүүлэн өгсөн байна.