Булганы Бугат, Дархан-Уулын Хонгор суманд гарсан түймрүүдийг унтраажээ. Тодруулбал Булган аймгийн Бугат сумын  нутагт ойн түймэр гарч байна гэх дуудлага өчигдөр буюу энэ сарын 8-ны өдрийн 12:43 цагт Онцгой байдлын албанд иржээ. Дуудлагын дагуу аймгийн Онцгой байдлын газрын 20 дугаар ангийн алба хаагчид, Бугат сумын Ханжаргалант багийн Байгаль хамгаалагчид ажиллан түймрийг цурамд оруулсан байна. Уг түймэрт 1,5 га ой шатсан.

Мөн Дархан-Уул аймгийн Хонгор сумын нутагт хээрийн түймэр гарч байна гэх дуудлагын дагуу аймгийн Онцгой байдлын газрын 22 дугаар ангийн алба хаагчид, Хонгор сумын мэргэжлийн ангийнхан, Хонгор сумын 2 дугаар багийн иргэд ажиллаж түймрийг бүрэн унтраажээ. Түймрийн улмаас 30 га талбай өртөж шатсан байна.