Нийслэлийн Засаг даргын Тамгын газар, нийслэлийн Аялал жуулчлалын газар, Баян-Өлгий аймгийн нутгийн зөвлөлтэй хамтран “Наурызын баяр -2025” арга хэмжээг маргааш буюу энэ сарын 22-нд жанжин Д.Сүхбаатарын талбайд зохион байгуулна. 

Монгол Улс олон үндэстэн ястнаас бүрдсэн нүүдэлчин уламжлал, ёс зан заншил, соёлын өвийг хадгалан ирсэн түүхтэй ард түмэн. 2024 онд ЮНЕСКО-ийн Соёлын биет бус өвийг хамгаалах тухай конвенцын Засгийн газар хоорондын хорооны 19 дүгээр чуулганаар Монгол Улсаас “Наурыз” буюу “Нарны баяр”-ыг бүртгүүлэн батлуулснаар дэлхийн биет бус өвийн жагсаалтад багтсан байдаг.

Хэдэн зуун жил хадгалагдаж, үе дамжин өвлөгдсөөр ирсэн Казах түмний дахин давтагдашгүй соёл, уламжлал, ахуй амьдралын онцлогийг олон улсын жуулчид төдийгүй нийслэл хотын иргэд маргааш үзэж сонирхох боломжтой юм.

“Наурызын баяр -2025”

• Казах үндэстний урлагийн болон жүжигчилсэн тоглолт
• Казах үндэстний бүрэн тоноглол бүхий гэр үзэсгэлэн
• Кураш бөхийн барилдаан
• Үндэсний тоглоом наадгай
• Хоол амталгаа,
• Гар урлалын үзэсгэлэн худалдаа,
• “Монгол банхар”-ын хүрээ