Хан-Уул дүүргээс нийслэлийн ИТХ-д сонгогдсон зарим төлөөлөгчид дүүргийн Засаг дарга Б.Цэрэнг хүлээн авч уулзлаа. Энэ үеэр дүүргийн удирдлагуудад ирүүлсэн иргэдийн саналыг нэгтгэж, есөн цэцэрлэгийн дээвэр засвар, шугам сүлжээний ажилд 1.3 тэрбум төгрөг, долоон сургуулийн их засварт 947.7 сая төгрөг, хоёр эмнэлгийн их засварын ажилд 406 сая төгрөгийг шийдвэрлэж, бүтээн байгуулалтыг эхлүүлэхээр боллоо.

Өөрөөр хэлбэл, цэцэрлэг, сургууль, эмнэлгийн барилгын засвар шинэчлэлтийн ажилд 2.6 тэрбум төгрөгийн хөрөнгө оруулах саналыг дэмжсэн байна. Мөн Хан-Уул дүүргийн 1, 2, 3 дугаар хорооны насжилт өндөртэй гурван орон сууцны гадна фасадыг 945.9 сая төгрөгөөр шинэчлэхээр болжээ.