Төрийн албаны тухай хуулийн нэмэлт өөрчлөлтөөр төрийн албаны ерөнхий шалгалтыг улиралд нэгээс доошгүй удаа зохион байгуулахаар зохицуулсан.  Энэ оны нэгдүгээр улирлын ерөнхий шалгалт орон даяар нэгэн  эхэллээ. Энэ удаагийн шалгалтад оролцохоор нийслэлд 1.703, улсын хэмжээнд 4.041 иргэн бүртгүүлжээ. 

Улаанбаатар хотод төрийн албаны ерөнхий шалгалт энэ сарын 12-14-нд болно.  Шалгалтыг өдөрт таван ээлжээр өгөх ба нэг ээлждээ 131 иргэн шалгалт өгөх юм.

2024 онд зохион байгуулагдсан төрийн албаны ерөнхий шалгалтад нийслэлд 7.749 иргэн бүртгүүлж, 5.427 иргэн шалгалт өгч үүнээс 2.057 иргэн тэнцэж, төрийн жинхэнэ албанд анх орох иргэний нөөцөд бүртгүүлсэн юм.