Зайсангийн зүүн гүүр буюу хуучин гүүрийг нэгдүгээр сарын 10-наас хааж, буулгах ажлыг эхлүүлсэн. Тэгвэл өнөөдөр хуучин гүүрийг буулгаж дуусжээ. Шинэ гүүр барих өрөмдлөгийн ажлыг эхлүүлээд байна. Шинэ гүүрийг зургаадугаар сард ашиглалтад оруулахаар төлөвлөн ажиллаж байгаа ба шон, суурь цутгах, арматур бэлтгэх, дам нурууг зөөх зэрэг ажил хийгдэж байна.

Дам нурууг бэлтгэж, зөөвөрлөх ажил дөрөвдүгээр сард бүрэн дуусах бөгөөд өнөөдрийн байдлаар 50 дам нуруунаас 26 дам нурууг зөөвөрлөн авчиржээ. Газрын түвшнээс доош 17 метр гүнд шон суурийг байрлуулах аж. Нийт 70 ширхэг шон сууриас өнөөдрийн байдлаар 26 суурийг өрөмджээ.