Автомашинтайгаа гэрэлтүүлгийн шон мөргөж, дарагдсан эмэгтэйг эсэн мэнд аварчээ. Тодруулбал Баянзүрх дүүргийн 10 дугаар хороонд суудлын автомашин авто замын хажуугийн гэрэлтүүлгийн тулгуур багана мөргөж, нэг хүн автомашинаас гарж чадахгүй байна гэсэн дуудлага энэ сарын 5-ны өдрийн 16:05 цагт Онцгой байдлын албанд иржээ. 

Дуудлагын дагуу Нийслэлийн Аврах ангийн алба хаагчдыг очиход иргэн 42 настай эмэгтэй Д “Toyota Camry” загварын суудлын автомашинаар гэрэлтүүлгийн тулгуур багана мөргөж, дарагдсаны улмаас автомашинаас гарч чадахгүй байсныг ажиллан эсэн мэнд гаргаж, Хонхор тосгоны Эрүүл мэндийн төвд хүлээлгэн өгсөн.

Замын хөдөлгөөнд оролцохдоо тээврийн хэрэгслийн хурдыг тохируулах, жолоо барих үед анхаарал сарниулах зүйл хэрэглэхгүй байхыг мэргэжлийн байгууллагаас анхааруулж байна.