Сар шинийн баяраар гуравдугаар сарын 5-ны өдрийг дуустал амрах шийдвэр гарсантай холбогдуулан Нийтийн тээврийн газраас тухайн өдрүүдэд амралтын цагийн горимоор ажиллах шийдвэрийг гаргажээ. Баяраар өдөр 947 автобус иргэдэд үйлчлэх гэнэ.  Ажлын өдрүүдэд 1,100 гаруй автобус иргэдэд үйлчилдэг.

Ирэх буюу гуравдугаар сарын 1-ний өдрөөс нийтийн тээврээр өдөрт 1,000 төгрөгөөр цагийн хязгааргүй дөрвөн удаа зорчих зохицуулалт хэрэгжиж эхэлж байгаа. Үүнтэй холбогдуулан хугацаатай автобусны картыг гуравдугаар сарын 1-нээс хэрэглэхгүй болж байгаа аж. Тус картаар сард 25 мянган төгрөгөөр хязгааргүй зорчдог байсан бол одоогийн зохицуулалтаар нэг хүн сард 22 мянган төгрөгөөр зорчих боломжтой болжээ.