Өнөөдрийн Засгийн газрын хуралдаанаар сар шинийн баярын амралтын талаарх асуудлыг хэлэлцэж шийдвэр гаргана. Олон улсын жишгээр бол үндэсний соёл онцлогийг харуулсан баярын өдрүүдэд олон хоногоор амардаг. Харин манай улсын хувьд сар шинийн баяраар гурван хоног амрахаар заасан байдаг. Энэ жил шинийн 2, 3-н амралтын өдрүүдэд таарч байгаа тул иргэдийн зүгээс баярын амралтыг сунгах хүсэлтэй байгаагаа цахим сүлжээнд илэрхийлж байгаа. 

Засгийн газрын хуралдаанаар дараах асуудлыг хэлэлцэх юм. 

• “Нийтээр амрах баярын өдөр шилжүүлэх тухай” Засгийн газрын тогтоолын төсөл

• Улсын төсвийн хөрөнгөөр сүүлийн 5 жилд хэрэгжүүлсэн геологийн судалгааны ажлын тайлан, түүний үр дүнгийн талаар

• Улсын Их Хурлын гишүүн Х.Ганхуягийн санаачлан боловсруулсан Худалдаа, аж үйлдвэрийн танхимын тухай хуулийн шинэчилсэн найруулгын төсөл

• “Тогтоол, тогтоолын хавсралтад өөрчлөлт оруулах тухай” Засгийн газрын тогтоолын төсөл /“Шинэ Зуунмод хотын хөгжлийн ерөнхий төлөвлөгөө батлах тухай” Засгийн газрын 2022 оны 143 дугаар тогтоол/