Сар шинийн баяртай холбогдуулан замын ачаалал нэмэгдсэнтэй холбогдуулан энэ сарын 22-27-ны өдрүүдэд тэгш, сондгой дугаарын хязгаарлалтаар замын хөдөлгөөнд оролцохоор болсон. Бүсчлэлийн хувьд хойноос урагш чиглэлд 32-ын тойргоос Маршалын гүүрний уулзвар хүртэл, баруунаас зүүн чиглэлд таван шарын уулзвараас Офицеруудын ордны уулзвар хүртэл тэгш, сондгой дугаарын хязгаарлалтаар хөдөлгөөнд оролцох юм. 

Маргааш сондгой тоогоор төгссөн буюу 1,3,5,7,9 тоогоор  тээврийн хэрэгслүүд замын хөдөлгөөнд оролцоно. 

НЗДТГ-аас Ulaanbaatar.mn сайтаар “Авто замын хөдөлгөөний ачаалал нэмэгдсэнтэй холбогдуулан тэгш, сондгойгоор зорчуулахыг та дэмжих үү” санал асуулгыг явуулсан. Санал асуулгад 3013 иргэн оролцож 50,04 хувь буюу 1508 иргэн дэмжсэн бол 49,95 хувь буюу 1505 дэмжихгүй гэж санал өгсөн. Мөн хоёрдугаар сарын 11-17-ны өдөр хүртэл иргэд, олон нийтээс мэдээллийн сувгуудаар дамжуулан санал авахад нийт 18,542 иргэн санал өгч, 68 хувь нь дэмжиж, 24 хувь нь дэмжээгүй юм.