Хууль бусаар хуурамч архи худалдан борлуулж байна гэх бичлэг олон нийтийн цахим сүлжээгээр явсан. Уг мэдээллийн дагуу цагдаагийн байгууллагаас шалгалт хийж иргэн Х нь нэр бүхий хотхонд гар дээрээс  татварын акцгүй архи согтууруулах ундаа худалдан борлуулж илрүүлж торгох шийтгэл оногдуулжээ. Өнгөрөгч онд гар дээрээс архи согтууруулах ундаа худалдсан 227 иргэний хууль бус үйлдэлд торгох шийтгэл оногдуулсан байна. 

Сар шинийн баяр удахгүй болох гэж буйтай холбогдуулан хууль бусаар тусгай зөвшөөрөлгүй үйл ажиллагаа явуулж буй аж ахуй нэгж болон хувь хүний гар дээрээс татварын акцгүй баталгаат бус архи согтууруулах ундааны зүйл худалдан авахгүй байхыг цагдаагийн байгууллагаас зөвлөж байна.