Дундговь аймгийн Сайхан-Овоо сумын нутагт өчигдөр буюу энэ сарын 12-нд оройн 17:00 цагийн үед 4.6 магнитудын хүчтэй газар хөдлөлт болсон. Газар хөдлөлтийн талаар аймгийн Онцгой байдлын газраар дамжуулан Сайхан-Овоо сумын Засаг даргын Тамгын газар, багийн Засаг дарга нараас тодруулахад хүчтэй чичирхийлэл мэдрэгдсэн, тухайн газар нутагладаг малчнаас тодруулахад дүнгэнэх чимээ гарч, гэр, эд хогшил хөдөлсөн гэх мэдээллийг өгчээ. Газар хөдлөлтийн улмаас ямар нэгэн учирсан хохиролгүй гэж мэдэгдсэн байна. 

Газар хөдлөлтийн чичирхийлэл Дундговь аймгийн Эрдэнэдалай сум, Өвөрхангай аймгийн Арвайхээр, Баянгол, Тарагт, Хайрхандулаан, Уянга сумдад  мэдрэгдсэн байна.