Гэр бүлийн зургаан гишүүн угаартсан байж болзошгүй байдалтай нас барсан хэрэг хэдхэн өдрийн өмнө гарсан. Уг хэрэгтэй холбогдуулан гэр бүлийн гишүүн иргэн О.Одбаяр өнөөдөр хэвлэл мэдээллийн байгууллагад хандан мэдэгдэл хийсэн. Тэгвэл уг хэргийн талаар цагдаагийн байгууллагын зүгээс дараах мэдээллийг өглөө. 

ЦЕГ-ын Хэвлэл мэдээлэл, олон нийттэй харилцах хэлтсийн дарга Г.Пүрэвдэлгэр

Хэргийн газрын үзлэгийн явцад орчны нөхцөл байдал, угаартсан байж болзошгүй агаарын шинжилгээ, үнснээс дээж авах зэрэг шинжилгээнүүдийг авсан. Урьдчилсан байдлаар дээрх зургаан иргэн угаартаж нас барсан байж болзошгүй гэх дүгнэлт гарсан. Тухайн айлд угаарын хийн мэдрэгч байсан. Нарийн хариуг мэргэжлийн байгууллагууд гаргана. 

Амь хохирогчдын хүү, ах болох О.Одбаярыг тухайн үед цэргийн алба хааж байсан болохоор дуудаж мэдүүлэг аваагүй. Хохирогчийн сэтгэл санааны байдал зэргийг харгалзан үзээд дуудаж мэдүүлэг аваагүй.  О.Одбаярыг мэдээлэл хийлээ гээд ямар нэгэн байдлаар хуулийн хариуцлага хүргэх хуулийн зохицуулалт байхгүй.