Дуудлагын жолооч гэх нэрээр бусдын автомашиныг дээрэмдсэн хэрэг гарчээ. Тодруулбал Баянгол дүүргийн нутаг дэвсгэрт автомашинаа дээрэмдүүлчихлээ гэх дуудлага цагдаагийн байгууллагад ирсэн байна. 

Нэр бүхий иргэнийг согтуурсан үед нь дуудлагын жолооч гэх 20 орчим насны залуу нүд рүү нь нулимс асгаруулагч цацаж автомашинаас нь чирч буулган "Toyota prius" маркийн автомашиныг нь дээрэмджээ. 

Гэмт буруутай байж болзошгүй этгээдийг цагдаагийн байгууллагаас олж тогтоон мөрдөн шалгалтын ажиллагааг явуулж байгаа гэнэ. 

Иргэд та бүхний шөнө оройн цагаар аюулгүй байдлаа, ханган болзошгүй аюулаас урьдчилан сэргийлэхийг цагдаагийн байгууллагаас анхааруулж байна.