Маргаашаас буюу энэ сарын 5-нд нутгийн хойд хэсгээр, 6-7-нд нутгийн зүүн хагаст цас орж, цасан шуурга шуурч ихэнх нутгаар хүчтэй салхитай, хүйтний эрч нэмж чангарахыг цаг уурын байгууллагаас онцгойлон анхааруулж байна. 

Маргааш Хөвсгөл, Булганы өмнөд, Төв аймгийн баруун хэсэг, Архангай, Өвөрхангай, Дундговийн нутгаар салхин секундэд 18-20 метр, зарим үед секундэд 24 метр хүрч ширүүснэ. 

Иймд хол замд гарахдаа тээврийн хэрэгслийн бүрэн бүтэн байдлыг шалгах, шатахууны нөөцтэй явах баталгаат зам, гүүрээр зорчих бага насны хүүхэд болон ахмад настай хүнийг малд явуулахгүй байх, малаа ойр бэлчээх зэрэг арга хэмжээ авч ажиллахыг анхааруулж байна.