Томуу, томуу төст өвчний нөхцөл байдлын талаар ХӨСҮТ-өөс танилцууллаа. Менингококкт өвчний хоёр сэжигтэй тохиолдол Баянгол, Баянзүрх дүүрэгт бүртгэгдсэн. Хоёр сэжигтэй тохиолдол ХӨСҮТ-д хэвтэн эмчлүүлж байгаа гэнэ. Биеийн байдал дунд, тууралт нэмэгдээгүй, тогтвортой эмчилгээ үргэлжилж байгаа аж. Шинжилгээний хариу энэ сарын 4-6-ны өдрийн хооронд гарна гэв. 

Менингококкт өвчний вакциныг сайн дурын үндсэн дээр буюу зөвхөн өвчний голомтот газарт хийдэг. ДЭМБ-тай хамтраад вакциныг захиалах ажлыг хэрэгжүүлж байгаа гэж мэдээллэв. 

Энэхүү өвчнөөс урьдчилан сэргийлэх хамгийн сайн арга бол хоолойгоо зайлах гэж мэргэжлийн эмч нар зөвлөлөө. Менингококкт өвчнийг үүсгэгч  нян нь хүний хоолойн хэсэгт 2-8 хоног байршдаг. Нийт насанд хүрэгчдийн 15 хувь нь эрүүл нян тээгч нар байдаг. Тиймээс хоолой зайлах бүх төрлийн уусмалаар хоолойгоо зайлж бусдад өвчин халдаах эрсдэлийг бууруулахыг зөвлөлөө.