Цаг уурын станц, харуулын цасны зузааны мэдээгээр өнөөдрийн байдлаар ихэнх нутгаар 0.0-24.0 см цасан бүрхүүл тогтжээ. Хамгийн их нь Сэлэнгийн Бугантад 24.0 см, Баянхонгорын Гурванбулагт 20.0 см, Завханы Цагаанчулуутад 18.0 см, Увсын Улаангом, Завханы Түдэвтэй, Тэс, Баянхайрхан, Сонгино, Хэнтийн Баян-Адаргад 17.0 см, Увсын Хяргас, Завханы Баянтэсэд 16.0 см, бусад хэсгээр 0.0-15.0 см зузаан цасан бүрхүүл тогтсон байна.

Өнгөрөгч хоногт Завханы хойд, Хөвсгөлийн зарим газар, Архангайн өмнөд, Сэлэнгийн хойд хэсгээр 0.0-0.7 мм цас оржээ. Үүнээс хамгийн их нь Хөвсгөлийн Эрдэнэбулган, Рэнчинлхүмбэд 0.7 мм, Хөвсгөлийн Цэцэрлэг, Тариаланд 0.5 мм, Хөвсгөлийн Арбулаг, Чандмань-Өндөрд 0.4 мм, бусад нутгаар 0.0-0.3 мм цас орсон байна.

Агаарын хэмийн хувьд Увс нуур болон Дархадын хотгор, Хэнтийн уулархаг нутаг, Завхан голын эх, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар -32…-39 градус, Хөвсгөлийн уулархаг нутаг, Хүрэнбэлчир орчим, Идэр, Тэс, Эг, Үүр, Орхон голын хөндий, говийн бүс нутгийн зүүн хэсгээр -27…-32 градус, говийн бүс нутгийн баруун хэсгээр -10…-17 градус, Хангайн нурууны өвөр бэл, говийн бүс нутгийн хойд хэсгээр -17…-23 градус, бусад нутгаар -22…-27 градус хүйтэн хоножээ.