Автозамын хажуугийн гэрэлтүүлгийн төмөр тулгуур багана мөргөжээ. Тодруулбал  Нийслэлийн Чингэлтэй дүүргийн тавдугаар хорооны нутагт суудлын автомашин авто замын хажуугийн гэрэлтүүлгийн төмөр тулгуур багана мөргөж хоёр хүн автомашины бүхээгт хавчуулагдсан тухай дуудлага  шөнийн  01:13 цагт Онцгой байдлын албанд иржээ. 

Дуудлагын дагуу Нийслэлийн Аврах ангийн алба хаагчдыг очиход Баянзүрх дүүргийн 19 дүгээр  хорооны харьяат иргэн 21 настай эрэгтэй Б, 20 настай эрэгтэй Э  нар “Кровн” загварын автомашинаар зорчиж явахдаа гэрэлтүүлгийн төмөр тулгуур багана мөргөж автомашиныхаа эд ангид хавчуулагдан гэмтсэн байсныг 45 минут ажиллаж эсэн мэнд гаргаж НТТТ-д шилжүүлэн өгсөн.