Хяргас нуурын мөс цөмөрч дээгүүр зорчиж явсан машин бүхэлдээ усанд автжээ. Тодруулбал Увс аймгийн Малчин сумын нутаг аймгийн төвөөс урд зүгт 140 км, сумын төвөөс урд зүгт 20 км-ын зайд Наранбулаг сумаас Улаангом чиглэлд зургаан зорчигчтой зорчиж явсан суудлын машины урд хоёр дугуй нь мөсөнд цөмөрч орсон тухай дуудлага Онцгой байдлын албанд иржээ. 

Дуудлагын дагуу аймгийн Онцгой байдлын газрын Аврах салбарын алба хаагчдыг очиход иргэн О-гийн эзэмшлийн “Prius-30” загварын суудлын автомашин нуурын эргээс 300-400 м зайд мөсөнд цөмөрч нуурын усанд бүхэлдээ орсон байсныг таван метрийн гүнээс татан гаргасан.