Геодези, усны барилга, байгууламжийн газраас үерийн хамгаалалтын барилга, байгууламжтай нийт 14 байршилд халиа тошин халих эрсдэлээс сэргийлэн ажиллаж байна. Сүхбаатар дүүргийн 14 дүгээр хороо, Чингэлтэйн сувагт 1,600 метр суваг татаад байна. Чингэлтэй энэхүү байршилд сүүлийн зургаан жил тасралтгүй халиа тошин үүсэж байгаа юм. 

Тухайн байршилд Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн хүрээнд дэд төв байгуулах зорилгоор газрыг чөлөөлж айлуудыг нүүлгэсэн. Үлдсэн айлуудыг халиа тошин халих эрсдэлээс сэргийлж, хамгаалахын тулд суваг татах ажлыг тогтмол гүйцэтгэж байгаа аж.