Ус цаг уур, орчны судалгаа мэдээллийн хүрээлэнгийн Гадаргын усны судалгаан хэлтэс гол, нууруудын мөсний зузааны хэмжилтийн дүнг танилцууллаа.  Энэ оны нэгдүгээр сарын 11-ний өдрийн байдлаар манай орны ихэнх гол, мөрний мөсний зузаан тогтвортой нэмэгдэж байгаа ч өнгөрөгч  оны мөн үеийнхээс 5-45 см бага байгаа гэнэ. Зарим голуудад харз, халиа тошин гүйсний улмаас мөс нимгэрэх үзэгдэл ажиглагдаж эхэлжээ. Тодруулбал Хүдэр, Онги, Сэлэнгэ зэрэг голуудын мөсний зузаан өмнөх 10 хоногоос 5-10 см нимгэрсэн байна. 

Мөсний зузаан нуурын толио болон голын нийт уртын дагуу харилцан адилгүй, мөсний даац хүн, мал, машин тэрэг явахад хангалттай хэмжээнд хүрч бэхжээгүй байгаа тул цаг хожих, зам товчлох нэрээр мөсөн дээгүүр зорчихгүй байхыг анхааруулж байна.