Төөрч, сураггүй болсон иргэний цогцсыг олжээ. Тодруулбал Архангай аймгийн Эрдэнэбулган сумын нутгаас иргэн Д нь энэ сарын 7-ны өдрийн 16:15 цагийн орчим гэрээсээ явган гараад сураггүй болсон тухай дуудлага маргааш өдрийн 17:15 цагт Онцгой байдлын албанд иржээ. 

Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид, Цагдаагийн газрын алба хаагчид, ар гэрийнхэн 45 настай эмэгтэй иргэн Д-г эрэн хайх ажиллагааг өчигдөр буюу энэ сарын 9-ний өдрийн 10:45 цагт эхлүүлжээ. Тухайн иргэний цогцсыг аймгийн төвөөс урд зүгт зургаан км зайд гүүрний доороос олж, Цагдаагийн газарт шилжүүлэн өгсөн байна.