Лос Анжелесд гарсан ой, хээрийн түймэр 31,000 акр буюу 12,500 га талбайг хамарч байна. Түймрийн улмаас таван хүн нас барсан. Түймэрт өртөж болзошгүй 180 мянган хүнийг нүүлгэн шилжүүсэн ба 200 мянган хүнд байнгын анхааруулах мэдээлэл өгч ажиллаж байна. Энэ Лос Анжелесийн түүхэнд гарсан хамгийн том түймэр юм. Өнөөдрийн байдлаар түймрийн голомтод 7,500 гаруй гал унтраах албан хаагчид ажиллаж байгаа гэнэ.
Хотын зүүн болон баруун талаас нь заналхийлж буй хоёр том түймэр өчигдрийн байдлаар дарагдаагүй байгаа ч салхины эрч суларч түймрийг тархалтыг зогсоох ажилд нөлөөлж байгаа гэнэ.
Амиа алдагсдын тоо нэмэгдэх хандлагатай байна гэж Лос-Анжелес хотын шериф Роберт Луна хэвлэлийн бага хурал дээр хэлжээ. Зөвхөн Итон галын улмаас 4000-5000 барилга эвдэрсэн эсвэл сүйдсэн гэж нэмж хэлсэн байна. Албаны хүмүүсийн мэдээлснээр Палисадын түймэр дахин 5,300 барилга байгууламжийг устгасан гэж Los Angeles Times мэдээлэв.
Лос Анжелесд нийтдээ таван ой хээрийн түймэр гарч байгаа ба Вентура тойргийн хилийг давсан нэг түймэр хурдацтай нэмэгдэж байгаа гэнэ.
0
| 
70
Сэтгүүлч: П.Цанжид
| 
