Суудлын автомашин онхолдож жолооч нь нас баржээ. Хэргийг тодруулбал Өмнөговь аймгийн Ханхонгор сумын нутаг аймгийн төвөөс зүүн зүгт 55 км-т, сумын төвөөс урд зүгт 30 км-т суудлын автомашин онхолдож нэг хүн дарагдаж нас барсан байна гэсэн дуудлагыг  өчигдөр оройн 21:53 цагт Онцгой байдлын албанд иржээ. 

Дуудлагын дагуу аймгийн Онцгой байдлын газрын 21 дүгээр ангийн  алба хаагчдыг очиход Цогтцэций сумаас Улаанбаатар хотын чиглэлд зорчиж явсан Г-гийн "Премио" загварын суудлын автомашин замын хажуу руу онхолдож 41 настай эрэгтэй жолооч Г автомашиндаа даруулан нас барсан байсныг 23:53 цагт цогцсыг гаргаж Цагдаагийн байгууллагад шилжүүлэн өгсөн байна.